本文需要用廣東話才能表達小女子的心情。
辦公室政治，吾係你死就我亡。
話說，安格力加早排手筋發炎，所以請左超過六星期病假。係佢果朝打電話比我老闆（其實係我部門阿head)話佢舉吾起隻手，打吾到字所以返吾到工，咁好彩，果日前一晚我胃腸都好吾舒服，返到公司本來同經理講我想請病假，之後見到佢荒荒張個樣，我決定幾吾舒服都好，都留低左撐到收工前果兩粒鐘再早走。
另一位同事，本來放左假的。都要因為咁取消當日出發Dublin 既機票酒店而返公司幫拖。
老實話，公司得一個人撐吾住個場。我當時仲係全實習生身份，又準備考試，都幫吾到咩手。所以放假同事，因為哩位手發炎同事而返返工。
咁呢，經理本身都plan 左哩位同事放完假後到佢飛去西班牙見老公。不過都係因為病果個同事，所以又取消左。
當然，取消係大老闆同意賠償先肯取消，否則佢地會如期出發，再得罪而家我地服侍緊個大客。
咁之後呢，安格力加如是地病假左6個星期，直到自己一早同公司申請左既假期。請假5月6-5月13日啦，但病假紙寫到5月5日，5月6日再飛佛羅倫斯！咁5月14日又話要返工。。。
經理好嬲啦，話安格力加成日以自己既利益行先。吾理其他同事感受，又成日duk 人背脊，下文刪。。
就係咁，經理同老闆考慮死都要調走安格力加，而佢個位就由我頂上。
到左今日（即係之前作既5月14），安格力加放完假，老闆約左佢私人會面。老闆暗地裡已經安排左另一個職位比佢，又咁橋，個位岩岩有人辭左職。佢竟然地接受左，不過佢吾接受都吾得啦，佢連老闆都惹火埋。
就係咁，我加入左我既夢想Team.....
不過。。我覺得我地好衰。其實，安格力加已經54歲，大不了做多10年就退休啦！我覺得有d對佢吾住。
不過老實既係，佢人工超高，但工作吾成正比。因為佢吾識英文，好多合約文件運輸都要用英文，所以好多野佢完全幫吾上忙。所以我經理都有佢既原因咁堅持要我頂佢個位。因為至少我地3個其中一個放假我都仲可以頂得上。
唉，不過我都仲係覺得我地好衰，搞到就泥11點都訓吾著。
條路係神安排比我的嗎？定係因為安格力加心腸吾好所以神罰佢呀？
anyway 啦，人地既失敗造就左我今日既成功。間大公司泥架！
Thanks my lord!! You are almighty!!!!!
